A forum for children & youths to share their creative words & audio-visuals, sharpen creativity, learn, connect and have fun…

  • Teachers' Club Nepal
  • आसुँ नआउँदै : अमिसा सुबेदी

    आसुँ नआउँदै
    तस्वीर आउँछ

    आसुँ पलाउँदा
    सम्झना झाँगिन्छ
    क्षितिज धमिलिन्छ ।

    आसुँ झर्दा
    काखमा खस्छ
    बालक चल्मलाउँछ ।

    आसुँ पुछ्दा
    चुरा बज्छ
    आँखामा खरानी पस्छ ।

    आसुँ सुक्दा
    उज्यालो हुन्छ
    दैलो उघ्रिन्छ ।

    यसरी आसुँ बाहिरिये त ठिकै छ
    भित्रै रह्यो भने
    के के हुन्छ?, के के हुन्छ?

    आसुँ सम्हाल्ने त
    मन हुन्छ
    नसके रुमाल हुन्छ ।

    भन ए परदेशि
    तिमीले पसिना पुछ्ने रुमाल
    मेरो सपनाको फूल हुन्छ ?

    अमिसा सुबेदी
    माउन्ट भ्यू ईंग्लिश बोर्डिङ स्कुल
    बाल्कोट, भक्तपुर

    [Total: 0    Average: 0/5]