A digital magazine dedicated to children & youths.

झरी

528

झरी

यो झरी होईन, मेरो आँसु हो 

जो झरीरहेछ आकाशको बाटो भएर

मैले एक युगमा बाँचेको

अनगिन्ती जिन्दगीहरूको दुखाइ पखाल्न 

मलाई स्निग्ध बनाउन ।

 

यो गड्याङ्ग गुडुङ होईन, मेरो पिडाको आर्तनाद हो 

जो चिच्याइ रहेछ मनभित्र गुम्साउदा गुम्साउदा 

खात बनिसकेको ट्रमाहरू बाहिर निकाल्न

आफैंलाई दु:खद अनुभुतिहरूको कैदबाट उन्मुक्ति दिन ।

 

यो सुइय्य गरेर बेलाबखत जोडले आउने बतास

बतास मात्रै होईन, मेरो सुस्केरा हो 

थकाइ मारीरहेको,

निस्सास्सिएर गुम्सिरहेको फोक्सोलाई

राहतको प्राण भरीरहेको ।

 

झरी पर्दा तिमि कुनै कामुक युवती भिजेको कल्पना गरौंला

तर के त्यस्कै अर्को क्षण, सम्झिन्छौ तिमी मेरो अनुहार?

जो यसरी नै बर्सिन्थ्यो तिम्रो अघि

निर्धक्क भएर,

आफैंलाई निथ्रुक्क भिजाएर ।

हिरादेबी